Bani boðberans. Rýnt í teikn hækkandi sjávarmála

Abstract

Greinin fjallar um breytilegt ástand á norðurslóðum vegna hlýnun jarðar, hækkunar sjávarmála sem afleiðingu af bráðnun jökla og þau áhrif sem þessar breytingar hafa á líf hvítabjarna á þessu svæði. Spáð er í hugtök eins og landamæri, landyfirráð og tilverurétt. Sett eru fram tvö listaverk sem höfundar unnu í þessu samhengi og tengjast sérstaklega tveimur hvítabjörnum, sem komu til landsins með stuttu millibili árið 2008, og nefndir hafa verið „Skagabirnan“ og „Skagabjörninn“. Listaverkin studdust við vísindarannsóknir á tannrótum nánar tiltekið tannlögum þessara dýra þar sem ráðið var í þann árafjölda sem þau höfðu lifað og hugsanleg lífskjör sem þeim fylgdi. Sérhvert ár, er síðan tengt með handskrifuðum athugasemdum tilteknum umhverfismálefnum, umhverfisráðstefnum og/eða almennum menningaratburðum frá sama tíma. Stuttar ævisögur fylgja einnig báðum verkunum þar sem upplýsingar sem unnar voru út frá vísindarannsóknum og krufningu á þessum tilteknu hvítabjörnum eru manngerðar með það fyrir augum að ná fram samkennd fyrir tilverurétti þeirra og ákveðna ábyrgðartilfinningu hjá manninum gagnvart lífi annarra lífvera.